Пьянич расман «Шаржа»да!

Бирлашган Араб Амирликларининг «Шаржа» клуби босниялик футболчи жамоанинг янги аъзосига айланганини эълон қилди. «Мамнуният билан маълум қиламизки, жамоамиз ўз сафига «Барселона»дан Миралем Пьянични эркин агент агент сифатида қўшиб олди. 32 ёшли босниялик яримҳимоячи келишувни яна бир йилга узайтириш ҳуқуқи билан 2 йиллик шартнома имзолади», - дейилади клуб хабарида. Қайд этиш жоиз, БААда трансфёр ойнаси ҳали ёпилмаган. Шаржаликлар етакчи яримҳимоячиси Отабек Шукуров билан хайрлашгач, унинг ўрнини Миралем Пьянич билан тўлдирди. Шукуров август ойида Амирлик клубидан Андреа Пирло бошқараётган Туркиянинг «Фотиҳ Карагюмрук» жамоасига ўтганди. Эслатиб ўтамиз, Пьянич 2020 йил «Ювентус»дан «Барселона»га ўтганди. У ўтган мавсумни ижара асосида Туркиянинг «Бешиктош» клубида ўтказиб, 20 ўйинда 2та ассист қайд этган.