ЛЕГИОНЕРЛАРИМИЗ: Баракали душанба
Душанба куни хориждаги футболчиларимиз учун баракали келди.
Мана, Эрон миллий жамоаси ЖЧ-2022 гуруҳ босқичидаги дастлабки 2та ўйинида 4та гол урди ва шундан 3таси компенсация тариқасида берилган дақиқаларга тўғри келди. Форслар хусусан, Уэльс термаси билан баҳсда сўнгги ҳамлаларда эффектли ҳаракатланиб, ўта қимматли 3 очкони ўз томонларига оғдиришди.
Диққат қилинг, Эрон миллий жамоасининг ЖЧдаги охирги 6та голидан 5таси «90}»дан кейинги вақтда урилган. Карлуш Кейруш жамоаси Россия-2018 мундиали гуруҳ раунди 2-3-турларида Марокаш ва Португалия термалари дарвозасини тегишлича 90+5 ҳамда 90+3-дақиқаларда нишонга олган, бироқ бу форсларга «плей-офф» йўлланмасини тақдим этмаганди.
Эронликлар жорий чемпионатда ҳам «90}»дан кейин 3та гол уриб, 3 очко ишлашди. Олдинда эса қитъадошларимизни АҚШ термасига қарши «ҳаёт-мамот» жанги кутмоқда - сиёсий қарашларга йўғрилган спорт жанги!
Эрон миллий жамоаси бош мураббийи Карлуш Кейруш Уэльс термаси билан ўйиндан олдин ҳам мамлакатдаги сиёсий ҳолат юзасидан савол берган BBC мухбирига муносиб жавоб қайтарди: «Ҳайронман, нега фақат шу ҳақда сўраяпсизлар? Нима, муҳим ўйин олдидан бизга дахлсиз масалалар билан босим юкламоқчимисизлар? Шу адолатданми? Марҳамат, Саутгейтга ҳам Англиядаги муаммолар ҳақида савол бериб кўринг, АҚШ термаси бош мураббийидан унинг мамлакати Афғонистондан нега чиқиб кетгани ҳақида сўранг...». Португалиялик мутахассисга 1-тур олдидан ҳам Эрондаги ҳолат ҳақида савол беришган ва у бунга жавобан журналистларга Англияда эмигрантларга қандай муносабатда бўлишганини бир эслашни таклиф қилганди.
Дарвоқе, Эрон миллий жамоаси футболчилари Англия термасига қарши биринчи ўйин олдидан норозилик ўлароқ, мамлакат мадҳиясини куйламагандилар. Уэльсликларга қарши баҳс олдидан эса Эрон гимнини жўр овозда баралла айтишди.
