Рикки Пуч «Андорра»га ўтиши мумкин

Mundo Deportivo хабарига кўра, 22 ёшли испаниялик Франция ва Италия клубларидан таклиф олган, аммо ватанида қолишни истамоқда. Бундан «Андорра» клуби фойдаланиб қолиши мумкин. Унга «Барселона» ҳимоячиси Жерар Пике эгалик қилади. «Агар Рики Пуч футболдан завқ олишни истаса, велосипедга ўтириб Барселонага бораман ва уни Андоррага олиб келаман», - деди «Андорра» бош мураббийи Эдер Сарабия. Янги мавсумда «Андорра» Испаниянинг нуфузи жиҳатидан иккинчи ўринда турувчи дивизионида иштирок этади. Пучнинг «Барселона» билан имзолаган шартномаси 2023 йил июнь ойигача мўлжалланган. Ўтган мавсумда у 17та ўйинда майдонга тушиб, 1та гол урган.