Германиядан ҳам 5та жамоа!

Мусобақанинг янги форматида ҳозиргидек 32та эмас, 36та жамоа иштирок этиши кўзда тутилган. Қўшимча 4 квотанинг 2таси ўтган мавсумда УЕФА коэффициентлари жадвалида клублари энг яхши натижа кўрсатган лигалар ўртасида тақсимланади. Аввалроқ Италия ЕЧЛда қўшимча ўрин олган бўлса, энди Германия («Боруссия» биринчи ярим финалда «ПСЖ» устидан ғалаба қозонгани учун) бунга эришди. Қўшимчасига, агар дортмундликлар турнирда ғолиб чиқса ва Бундеслигада 5-ўринни эгалласа, Германиядан иштирокчилар сони 6тага етади. Айни дамда «Байер», «Бавария», «Штутгарт», «РБ Лейпциг» ва «Боруссия» ЕЧЛда иштирок этишни кафолатлаган.