Футбол атрофида: Қиёфдошлардан қойилмақом ролик

Жумладан, энг машҳур футболчиларга сув томчисидай ўхшаш чеҳралар ҳам топилади дунёнинг турли нуқталарида. Мана, яқинда баъзи топ-футболчиларнинг қиёфадошлари интернет оламини қойилмақом видеоролик билан бойитишди.

Роналдиньо, Фил Фоден, Виржиль ван Дейк ва Орельен Тчуаменини қаерда бирга кўриш имкони бор? Албатта, уларнинг қаердадир тўпланишлари анча қийин масала. Футболчиларнинг қиёфадошлари эса шундай имконият тақдим этишди. Видеога қараб, айрим «персонаж»ларни оригиналидан ажратишга ҳам қийналасиз... Хуллас, Карим Бензема, Алиссон, Виржиль ван Дейк, Трент Александер-Арнольд, Фил Фоден, Натан Аке, Орельен Тчуамени, Эдуарду Камавинга, Педри, Рафинья, Анхель ди Мария, Роналдиньо ва Садио Маненинг қиёфадошлари бир жойга тўпланиб, алоҳида суратга тушишди. Бу ижтимоий тармоқда очко тўплаш ҳаракати, албатта.

Килиан Мбаппенинг машҳур қиёфадоши эса бассейн четида туриб, франциялик голеадор ижросидаги трюкни такрорлашга уриниб кўрди, аммо бундан натижа чиққани йўқ. Аниқроғи, тўпга чалқанчасига зарба беришни ўйлаган таниқли «тиктокер» - @ambaby80 шунчаки, сувга қулади. Айтиш ўринли, Мбаппенинг қиёфадоши «Тик-ток» тармоғида 1,6 миллион обуначига эга. Унинг чамаси 200та видеоролиги 10 миллион мартадан кўп томоша қилинган. Эҳтимолки, @ambaby80 «сувга қулаш»ни ҳам томошабинларни кўпроқ жалб қилиш учун атайин саҳналаштиргандир...